Махсус хәрби операциядән ялга кайтучыга Балтач укучылары язган хатларны биреп җибәргәннәр
Балтачта өчпочмаклы солдат хатларын махсус хәрби операциядән ялга кайткан Илнар Шәрәфиевка тапшырганнар, шулай ук Фәннур Зариповка да калдырганнар.
Егетләр икесе дә «МДСУ - 1» оешмасында эшләгән. Әлеге оешма егетләргә һәм аларның гаиләләренә гел ярдәм күрсәтә, биредә эшләүче Нияз Хәбибуллин егетләрне каршы алуны да оештырды, озату мизгелләрендә оешманың башка хезмәткәрләре дә катнашты. Бу хакта «Хезмәт» сайтында хәбәр ителә.
«Балтач мәктәбе һәм гимназиясе укучылары язган хатлар китте, алар хәрбиләр белән бергә алгы сызыкка кадәр барып җитәчәк», диелгән хәбәрдә.