Мәскәүнең Татар мәдәни үзәге Донор көнендә хәйрия чарасына чакыра
3 майда Мәскәүнең Татар мәдәни үзәгендә «Донор көне 2023» акциясе уза. Хәйрия акциясен Татарстан Республикасының Россия Федерациясендәге Тулы вәкаләтле вәкиллеге, Вишневский исемендәге Үзәк хәрби клиник госпиталь Мәскәү татарлары мохтарияте белән үткәрә.
Акция көнендә тапшырылган кан хәрби хезмәткәрләр һәм башка мохтаҗлар өчен файдаланылачак. Бу хакта Татарстанның Россиядәге Тулы вәкаләтле вәкиллеге хәбәр итә.
Акция Россиядә ел саен 20 апрельдә билгеләп үтелә торган Илкүләм донор көне кысаларында уза.
«Теләге булган һәр кешене акциядә катнашырга чакырабыз. Кан тапшыру буенча тулы мәгълүмат һәм теркәлү тәртибен монда карарга була», диелгән хәбәрдә.