Путин Татарстанның тугыз кешесенә бүләкләр һәм мактаулы исемнәр бирде
Татарстанның тугыз кешесе Россия Федерациясенең дәүләт бүләкләренә һәм мактаулы исемнәренә лаек булды. Аларның исемнәре РФ Президенты Владимир Путинның хокукый мәгълүмат порталында басылган указында бар.
Икенче дәрәҗә «Ватан алдындагы казанышлары өчен» ордены медальләре белән Путин Лушников исемендәге Казан нефть химиясе колледжы директоры Илдар Шәмсетдинов һәм «Нурлатнефть» нефть һәм газ чыгару идарәсенең «Татнефть-Добыча» ААҖ структур бүлекчәсенең катлам басымын саклау буенча операторы Рәшит Тямаевны бүләкләде.
Лука Крымский медале Казанның 16 нчы шәһәр хастаханәсе баш табибы урынбасары Сергей Кривошапкога бирелә. ТР Сәламәтлек саклау министрлыгы Республика клиник хастаханәсенең бүлек мөдире Татьяна Карпачева Россия Федерациясенең атказанган табибы булды. «Урал» авыл хуҗалыгы кооперативы рәисе Газинур Хәбибрахмановка «Россия Федерациясенең атказанган авыл хуҗалыгы хезмәткәре» дигән мактаулы исем бирелде.
Муса Җәлил исемендәге Татар академия опера һәм балет театрының балет буенча сәнгать җитәкчесе Владимир Яковлев Мактау ордены белән бүләкләнә.
Ике татарстанлы - «Түбән Кама Нефтехим» ААҖ олигомерлар һәм гликольләр заводы аппаратчысы Әдгәт Вәлиев, шулай ук «Түбән Кама Нефтехим» ААҖ автоматлаштыру үзәгенең контроль-үлчәү приборлары һәм автоматика буенча слесаре Сергей Галкин Россия Федерациясенең атказанган химигы булды.
«Татнефть» ААҖнең «Татнефтегазпереработка» идарәсе контроль-үлчәү приборларына һәм автоматикасына техник хезмәт күрсәтү һәм ремонтлау буенча өлкән мастер Галимҗан Кашапов «Россия Федерациясенең атказанган нефть һәм газ сәнәгате хезмәткәре» исемен алды.