Лениногорскида яшәүчеләр «Җиңү диктанты» акциясенә кушылды
Лениногорскида яшәүчеләр Бөек Ватан сугышы вакыйгаларына багышланган «Җиңү диктанты» акциясенә кушылды. Шәһәрдә ул бер мәйданчыкта – 4нче мәктәптә үтте. Диктант язарга теләүчеләр арасында укучылар үзләре дә, аларның укытучылары да – тарих һәм җәмгыять белеме педагоглары бар иде. Берничә класс бүлмәсендә 67 өлкән сыйныф укучысы һәм 20дән артык укытучы парта артына утырды.
Шулай ук онлайн режимда катнашу мөмкинлеге дә тудырылган иде. Бу хакта «Заман сулышы» сайтында хәбәр ителә.
Диктант киң җәмәгатьчелекне Бөек Ватан сугышы тарихын өйрәнүгә җәлеп итү, тарихи грамоталылыкны арттыру һәм яшьләрне патриотик тәрбияләү максатларында тест формасында үткәрелә. Барлык катнашучыларга 45 минут эчендә 25 биремне үтәргә тәкъдим ителде.
«Җиңү диктанты» - ул Бөек Ватан сугышы турындагы белемнәреңне тикшерү, үз Ватаның тарихын тагын бер кат искә төшерү.
Диктант нәтиҗәләре соңрак билгеле булачак. Аларны һәркем диктантпобеды.рф сайтында шәхси кабинетында белә ала.