Татарстанда тагын 29 кеше коронавирус инфекциясе йоктырган
Татарстанда коронавирус инфекциясен йоктыручылар кимүен дәвам итә. Соңгы тәүлектә республикада 29 очрак ачыкланган, кичә ул – 30, ә 27 һәм 28 апрельдә 31 иде. Бу хакта стопкоронавирус.рф порталы хәбәр итә.
Соңгы мәгълүматлар буенча, 14 пациент хастаханәгә озатылган, 33 кеше терелгән. Шул рәвешле, пандемия башланганнан алып республикада коронавирус инфекциясенең 205 234 очрагы ачыкланган, 202 685 кеше савыккан. 2 меңнән артык кеше инфекция корбаны булган.