Бөек Ватан сугышында һәлак булучылар истәлегенә быел 27 миллион агач утыртылачак
«Хәтер бакчасы» акциясендә Рөстәм Миңнеханов та катнашты.
Быел илкүләм «Хәтер бакчасы» акциясендә Бөек Ватан сугышында һәлак булган 27 миллион солдат истәлегенә 27 миллион агач утыртылачак. Бу хакта «Казан – Хезмәт батырылыгы шәһәре» стеласын ачу тантанасында әйттеләр.
Акциядә Татарстан Рәисе Рөстәм Миңнеханов та катнашты. Ул волонтерлар белән берлектә миләш агачы утыртты. Акциядә министрлык һәм ведомство җитәкчеләре дә катнашты.
Халыкара «Хәтер бакчасы» акциясендә катнашу өчен рәсми сайтка кереп теркәлергә һәм кирәк шәһәрдә билгеләнгән урынга барырга кирәк.