Татарстанда бер бала өстенә футбол капкасы төшкән
11 яшьлек бала өстенә футбол капкасы ауганнан соң, ваемсызлык факты буенча җинаять эше кузгатылды, дип хәбәр итте Россия Тикшерү комитетының Татарстан Республикасы буенча идарәсе җитәкчесенең өлкән ярдәмчесе Андрей Шептицкий.
Тикшерү бара. Шулай ук экспертизалар билгеләү мәсьәләсе дә хәл ителә.
«Татар-информ» «Волга» яшьләр үзәгендә малай өстенә капка төшүен хәбәр иткән иде, бала капкага асылынып торган. Ул авыр тән җәрәхәтләре алган, хастаханәгә алып киткәннәр.