"Азан тавышы йокларга бирми". Казан мәчетендә азанны микрофонсыз әйтергә мәҗбүрләр
Казанның Константиновка бистәсендә урнашкан "Ярулла" мәчете янында яшәүчеләр азан әйтүгә каршы чыкты. Шуннан соң имам ястү һәм иртәнге намаз азанын микрофонсыз гына мәчет эчендә әйтергә мәҗбүр булган. Бу көнкүреш мәсьәләме, әллә артында башка сәбәпләр дә ятамы? Азатлык дин әһелләре белән сөйләште.