Махсус хәрби операциядә һәлак булучылар истәлегенә куелган һәйкәлдәге хаталар төзәтеләчәк
Бөек Ватан сугышында Җиңүнең 78 еллыгын бәйрәм итү көнендә Базарлы Матак авылының Хәрби дан аллеясында махсус хәрби операция зонасында һәлак булганнарга багышланган һәйкәл ачылды. Тантанада катнашучылар һәйкәл язуында хаталар күреп алган һәм социаль челтәрләрдә актив рәвештә фикер алыша башлаган.
Татарстан Республикасы Әлки муниципаль районы башлыгы Александр Никошин әлеге мәгълүматны раслады.
«Хәзерге вакытта исемнәр язылган такта хаталарын төзәтергә алынды. Якын арада ул Базарлы Матак авылының Хәрби дан аллеясында кабат куелачак», – дип хәбәр итте ул «ВКонтакте» сәхифәсендә.