Креатив индустрияләр мәктәбе ачык ишекләр көне үткәрә
Фешин исемендәге Казан сынлы сәнгать училищесы Креатив индустрияләр мәктәбенә ачык ишекләр көненә чакыра.
«Ачык ишекләр көнендә мәктәп турында һәм анда керү шартлары турында сөйләячәкбез», – диелгән хәбәрдә.
Креатив индустрияләр мәктәбе – 12-17 яшьлек балалар өчен өстәмә белем бирү мәктәбе. Бу федераль проект. Үткән ел анда дүрт юнәлеш буенча белем бирелде: интерактив цифрлы технологияләр, анимация, дизайн, фото-видео җитештерү.
Яңа уку елында тагын ике юнәлеш өстәләчәк – костюм дизайны, декоратив-гамәли сәнгать.
Ачык ишекләр көне 17 майда үтә. Башлана 19:00 сәгатьтә. Теркәлү өчен сылтама.
Адрес: К. Маркс урамы, 70/10 (Фешин исемендәге Казан сынлы сәнгать училищесы бинасының бер өлешендә ремонт бару сәбәпле бинага Толстой урамы ягыннан керәсе)