Чирмешәннең Әмир авылы зиратына кадәр суүткәргеч суздылар
Узган елда Чирмешән районының Әмир зираты капкасы янына кадәр суүткәргеч суздылар. Күптән түгел монда чәчәкләргә сибәргә су җылынсын өчен мичкә дә куелды.
Көндез җылынган суны агызып алгач, урынына, кранны ачып, салкын су тутырып калдырырга кирәк.
Әлеге изге гамәлнең чыгымнарын бертуган Фазыл һәм Миндар Әгъләмовлар күтәргән, калган эшләрен, авыл җирлеге җитәкчелеге оештыруында авылдашлар башкарган.