«Пирамида» концертлар залында ТМТВ премияләрен тапшыру тантанасы башланды
Казанның «Пирамида» концертлар залында ТМТВ телевизион музыкаль премияләрне тапшыру тантанасы башланды.
Премияләрне тапшыру тантанасы башланыр алдыннан татар эстрадасы артистлары, блогерлар, чараның иганәчеләре кызыл келәмнән узды. Аларны Назлыгөл Сөнгәтова һәм Байбулат каршы алып торды. Кызыл келәмгә беренче кунак атта килде. Ул җырчы Фирүзә булды. Кайбер артистлар эт белән килде.
Концерт өлеше Марат Яруллин чыгышы белән башланды. Кичәне Татарстанның атказанган артисты Гөлназ Сафарова һәм Айрат Ильясов, Рамил Шәрәфиев һәм Ансу, Булат Бәйрәмов һәм Ләйсән Гыймаева алып бара.
Былтыр премияләрне тапшыру тантанасы Уфада узган иде.