Беренче тапкыр тавыш бирүче татарстанлылар сайлау участокларында сувенирлар ала
Тавыш бирүдә беренче тапкыр катнашучы яшь татарстанлылар участокларда ТР Үзәк сайлау комиссиясеннән бүләкләр ала. Искәртик, бүген республикада муниципаль депутатларны сайлауда бердәм тавыш бирү көне уза.
Фото: © Татарстан Республикасы Үзәк сайлау комиссиясе телеграм-каналы
«Республиканың участок сайлау комиссияләре әгъзалары сайлаучыларны игътибарсыз калдырмады. Яшьләрне бүләкләр һәм изге теләкләр көтә иде», - дип сөйләделәр Татарстан Республикасы Үзәк сайлау комиссиясендә.
Татарстанның 36 муниципалитетында участоклар 20.00 сәгатькә кадәр ачык була. Иртәнге сәгать 10да сайлауга килүчеләр 10 проценттан арткан иде.