Новости за 05.09.2023

«Мәгариф» илкүләм проекты кысаларында 2019 елдан башлап Азнакай районының 14 мәктәбендә «Үсеш ноктасы» мәгариф үзәкләре эшли. Бүген шәһәребезнең 6нчы урта мәктәбендә аның унбишенчесе ачылды. Бу хакта «Азнакай» сайтында хәбәр ителә.

11-14 сентябрь көннәрендә Белоруссиядә Татарстан Республикасы Мәдәнияте көннәре узачак. Бу чорда күргәзмә проектлары ачыла, кино көннәре, Татарстанның әйдәп баручы башкаручылары һәм коллективлары катнашында сәнгать осталары концертлары була.

Татарстанда 9 сентябрьдә авыл хуҗалыгы ярминкәләре яңадан эшли башлый. Бәяләр фиксацияләнгән һәм продукциянең төренә бәйле рәвештә уртача ваклап сатудан түбәнрәк булачак. Бу хакта Татарстан Республикасы Министрлар Кабинетында узган брифингта Татарстан Республикасы авыл хуҗалыгы һәм азык-төлек министры Марат Җәббаров хәбәр итте.

Соңгы көннәрдә антициклон аркасында Татарстанда җылы һава торышы билгеләп үтелә - сентябрь башы өчен һава температурасы нормадан 4 градуска югарырак. Әмма берсекөнгә үк республикага сизелерлек салкыннар килә, дип сөйләде КФУның Экология һәм табигатьтән файдалану институтының метеорология, климатология һәм атмосфера экологиясе кафедрасы профессоры Юрий Переведенцев.

Бүген ТР Хөкүмәте Йортында Татарстан Премьер-министры Алексей Песошин рәислегендә «Татэнерго» АҖ Директорлар советының чираттагы утырышы узды. Утырышта компаниянең 2023 елның беренче яртыеллыгындагы эшенә йомгак ясалды. Бу турыда Татарстан Рәисенең матбугат хезмәте хәбәр итте.

Чувашия Республикасының Шыгырдан авылындагы Идел буе Болгар дәүләтендә Ислам динен кабул итүенең 1100 еллыгына багышланган Ислам мәдәнияте музеена Алжир Халык Демократик Республикасы туристлары килде, дип хәбәр ителә Россия мөселманнары Дини җыены сайтында.

Новосибирск татарларының «Ак калфак» традицион халык мәдәнияте үзәге» төбәк иҗтимагый оешмасы Бердск шәһәре көнендә катнашты. Шәһәр быел үзенең 307 еллыгын билгеләп үтә. Бу турыда оешманың ВКонтакте челтәрендәге сәхифәсендә хәбәр ителә.

Самара шәһәренең «Яктылык» мәктәбе «Иртә үсеш үзәге»нә 4 яшьтән 5 яшькә кадәрге балаларны чакыра, дип хәбәр ителә «Самара татарлары» сайтында.

Казан мөселман киносы фестивале кызыл келәменнән "Зөләйха күзләрен ача" фильмында Мортазаны уйнаган Рамил Сабитов узды.

Зәй районы башлыгы Рәзиф Кәримов «Дуслык» ордены белән бүләкләнде. Аны бүләкләү турындагы указны Татарстан Республикасы Рәисе Рөстәм Миңнеханов имзалады.

Хәрби хәл игълан ителгәндә сайлаулар һәм референдумнар үткәрү тәртибен терки торган закон проекты Татарстан Дәүләт Советына кертелде. Республика парламенты депутатлары керткән документ алдан карау процессында.

Татарстанның фәнни-мәгариф комплексының әйдәп баручы оешмалары илнең фәнни-технологик үсешенең барлык стратегик инициативаларында катнаша. Бу хакта Татарстан Республикасы Рәисе Рөстәм Миңнеханов «Планетаның сыек углеводород запасларын нәтиҗәле үзләштерү» дөнья дәрәҗәсендәге фәнни үзәкнең халыкара Күзәтүчеләр советы утырышында белдерде. Чара КФУның Н.И. Лобачевский исемендәге фәнни китапханәсендә узды.

Нурания Җамалиның “Минтимер һәм аның дуслары” фильмы конкурстан тыш күрсәтелә.

Казанда торак йорт ишегалларында парковкаланган автомобильләр еш кына чүп ташый торган транспортка контейнер мәйданчыкларына керергә комачаулый. Проблеманы чишү өчен машина йөртүчеләргә штраф салу мәсьәләсе карала. Бу хакта бүген торак-коммуналь хуҗалык предприятиесе идарәче компаниясе генераль директоры Евгений Чекашов #ТатарстанОнлайн программасы эфирында хәбәр итте.

Казанда суда ял итү зонасы булган яңа иҗтимагый киңлек ачарга планлаштыралар. Бүген Татарстан Республикасы Рәисе Рөстәм Миңнеханов һәм Казан мэры Илсур Метшин яңа мәйданчык җиһазландырырга планлаштырылган Киров дамбасы буендагы территориядә булды.

Базарные Матаки (Базарлы Матак авылы) — село на юге Республики Татарстан. Административный центр Алькеевского района и Базарно-Матакского сельского поселения, расположено около реки Актай (бассейн Волги), в 134 км от Казани. Село Базарные Матаки основано в 1730-х годах. В окрестностях села… Далее

Татарстан Рәисе каршындагы татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре буенча комиссия рәисе Марат Әхмәтов Татарстан Дәүләт Советында Мәгариф, мәдәният, фән һәм милли мәсьәләләр комитеты утырышында капиталь ремонт программасында милли мәктәпләр дә кертелергә тиеш, дигән фикердә.

Казан халыкара мөселман киносы фестивале тамашачысына Нурихан Фәттахның «Кырык дүртнең май аенда» әсәре буенча төшерелгән фильмның әле монтажланмаган кайбер кисәкләре һәм әле караламадагы тизер күрсәтелде.

Татарстан Республикасы Рәисе Рөстәм Миңнехановның Татарстан Республикасы Дәүләт Советына республиканың эчке һәм тышкы хәле турында еллык юлламасы 14 сентябрьгә планлаштырылган. Бу хакта бүген ТР Дәүләт Советының Мәгариф, мәдәният, фән һәм милли мәсьәләләр комитеты утырышында билгеле булды.

Ул мәктәпләрдә татар теле һәм әдәбияты дәресләренең ничек узуын тикшерергә беркем дә керми ди. “Синең хезмәтең кемнәргә кирәк, дигән сорау туа. Хезмәтем беркемгә дә кирәк түгел икән, мөнәсәбәтем дә шуңа тиңдәш булачак, дип уйлыйлар. Үзәктән эчке контрольне көчәйтсеннәр иде», - дигән ул.

Казанда «Татар кызы» бәйгесенең халыкара этабы финалына әзерлек башланды. Россиянең төрле төбәкләреннән һәм чит илләрдән килгән унөч кыз Үзбәкстанда узачак финалга әзерләнә.

Отец Иделии Марс - заслуженный деятель искусств ТАССР, татарский баянист и композитор Марс Макаров родом из деревни Черебатырево Нурлатского района.

Татарстан Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре буенча комиссия рәисе Марат Әхмәтов төзелеп, файдалануга тапшырылган яңа мәктәпләрдә татар сыйныфларының оешуына игътибарны арттырырга кирәк дип саный.

Документка ярашлы, бу эшләрне бары тик теркәлгән яшәү урыныңдагы эчке эшләр оешмаларында гына башкару мөмкин.

Бүген Татарстан Республикасы Рәисе Рөстәм Миңнеханов Казан федераль университеты каршындагы Күп функцияле поликлиникада булды. Бу хакта ул үзенең телеграм-каналында язган.