«Известия»:Россиядә фейк юл-транспорт һәлакәтенә каршы көрәштә ясалма интеллект кулланыла
Россиядә юл-транспорт һәлакәтләрен махсус китереп чыгаруга каршы тору системасын куллана башладылар. Бу төр мошенниклык белән көрәшкә ясалма интеллект технологияләрен җәлеп иттеләр. «Известия» «Автонет» НТИга сылтама белән шул хакта хәбәр итә.
Программа смартфонга көйләнгән гироскоп ярдәмендә мәгълүмат җыя, ә аннары бәрелешү турындагы мәгълүмат белән чагыштырып аларны анализлый. Әгәр мәгълүматлар туры килмәсә, юл-транспорт һәлакәте теркәлмәячәк, ә аны китереп чыгаручылар иминият түләүләрен ала алмаячак.
Белгечләр фикеренчә, яңа софт ярдәмендә аварияләрне ачыклау алгоритмы гадиләштереләчәк һәм аларны махсус китереп чыгару мөмкинлеге катлауланачак.
Басма мәгълүматлары буенча, система ярдәмендә бер айда 150дән артык авариянең махсус китереп чыгарылуы ачыкланган.