Новосибирск янында пассажир самолеты ашыгыч рәвештә төшү урыныннан видео чыкты
Гадәттән тыш хәлләр министрлыгы Новосибирск өлкәсендә пассажир самолетын ашыгыч рәвештә утырту урыныннан видео чыгарды.
Ачыкланганча, ашыгыч рәвештә кырга төшкән самолет бортында 167 кеше булган, шул исәптән 23 бала һәм 6 экипаж әгъзасы.
Искәртик, Сочидан Омскига оча торган самолет ашыгыч рәвештә Новосибирск янындагы кырга төште. «Урал авиалинияләре» А320 самолеты гидросистема эшләүдән туктау сәбәпле, кырга төшәргә мәҗбүр булган. Самолетны утыртканда шасси һәм канат зыян күргән.