Татарстан Рәисенең Дәүләт Советына юлламасын туры трансляциядә карап була
Татарстан Рәисе Рөстәм Миңнехановның республика Дәүләт Советына юлламасын туры трансляциядә карап була.
Чыгышны «ТНВ» каналы күрсәтә.
Татарстан лидерының мөрәҗәгате Татарстан Дәүләт Советы депутатларының 46 нчы утырышы кысаларында уза. Анда Дәүләт Думасы депутатлары, сенаторлар, Татарстан Хөкүмәте әгъзалары, шулай ук республика муниципаль районнары лидерлары, министрлык һәм ведомство башлыклары чакырылган.
Исегезгә төшерәбез, Рөстәм Миңнехановның Татарстан Дәүләт Советына беренче мөрәҗәгате 2010 елның 13 октябрендә булды. Шул вакыттан бирле чара ел саен үткәрелә. Анда узган елгы эшчәнлеккә йомгак ясала, хакимиятнең барлык дәрәҗәләре өчен план куела, шулай ук республика үсеше өчен төп юнәлешләр билгеләнә.