Миңнеханов Сеченов университеты ректоры белән фән өлкәсендә хезмәттәшлек турында сөйләште
Татарстан Рәисе Рөстәм Миңнеханов Сеченов исемендәге Мәскәү дәүләт медицина университеты ректоры Петр Глыбочко белән очрашты. Очрашуда фән һәм инновацияләр өлкәсендә республиканың югары уку йортлары һәм сәламәтлек саклау министрлыгы белән хезмәттәшлек турында фикер алыштылар. Бу хакта Татарстан җитәкчесенең матбугат хезмәте хәбәр итә.
Татарстан Рәисе кунакка шулай ук ТАССРның 100 еллыгы хөрмәтенә медаль тапшырды.
Мәскәү югары уку йорты делегациясе Казанда уза торган Россия урологлар җәмгыятенең XXIII Конгрессында катнаша. Чара 16 сентябрьгә кадәр дәвам итә. Бу көннәрдә белгечләр инновацион технологияләр, яңа тикшеренүләр нәтиҗәләре белән таныша, тәҗрибә алмаша.
Конгресста Россиядән һәм чит илләрдән 1,6 меңнән артык белгеч катнашты.