Үзәк банк төп ставканы еллык 13 процентка кадәр күтәрде
Россия Банкы бүгенге утырышта төп ставканы еллык 12 проценттан 13 процентка кадәр күтәрү турында карар кабул итте. Бу хакта регуляторның матбугат хезмәте хәбәр итә.
«Россия Банкы директорлар советы 2023 елның 15 сентябрендә төп ставканы еллык 13 процентка кадәр арттыру турында карар кабул итте. Россия икътисадында инфляция басымы югары булып кала», — дип аңлаттылар Үзәк банкта.
Исегезгә төшерәбез, 15 августта узган планнан тыш утырышта Үзәк Банкның директорлар советы төп ставканы елына 8,5 проценттан 12 процентка кадәр күтәрде. Соңгы тапкыр Россия Банкы төп ставканы быел 21 июльдә, еллык 7,5 проценттан 8,5 процентка кадәр күтәргән иде. 12 сентябрьдә VIII Көнчыгыш икътисади форумының пленар утырышында Россия Президенты Владимир Путин бу карарның вакытлыча булуын һәм инфляцияне тоткарлау өчен кирәклеген аңлатты.