Казанда трамвай йөртүче өлкән яшьтәге җәяүлене таптаткан
Кичә Казанда трамвай йөртүче тротуар буенча бара торган 69 яшьлек ир-атны таптаткан. Бу хакта Дәүләт автоинспекциясендә хәбәр иттеләр.
Якынча мәгълүматлар буенча, Тульская – Авангард урамнары чатында 32 яшьлек йөртүче хатын-кыз иминлек тизлеген сайламаган һәм тротуар буенча барган җәяүлене бәрдергән.
Юл-транспорт һәлакәтендә зыян күргән ир-ат хастаханәдә медицина ярдәме күрсәтелгәннән соң өенә җибәрелгән.
Ведомство мәгълүматлары буенча, узган тәүлектә Казанда 116 юл-транспорт һәлакәте булган, өчесендә имгәнүчеләр бар. Ике очракта җәяүле бәрдерелгән, берсендә транспорт чаралары бәрелешү аркасында бер кеше зыян күргән.