Мәскәүнең Җәмигъ мәчетендә Мәүлид бәйрәменә багышланган дини чара була
Бүген Мәскәүнең Җәмигъ мәчетендә Мәүлид бәйрәменә багышланган дини чара була. Бу хакта Россия Мөфтиләр шурасы матбугат хезмәте хәбәр итә.
Программада Коръән уку, Мөхәммәд пәйгамбәр турында вәгазь, татар, төрек, гарәп телләрендә «Салават» догасын уку, нәшидләр яңгыраячак, күмәкләшеп дога уку каралган.
Кичәнең модераторы Җәмигъ мәчете имамы Шамил хәзрәт Арсланов була.
26-27 сентябрьдә Мәскәүнең Җәмигъ мәчетендәге Ислам музеенда Мөхәммәд пәйгамбәрнең чәч һәм сакал бөртеге тәкъдим ителәчәк.