Чаллыда татар эстрадасы артисты катнашындагы низагтан соң тикшерү үткәрелә
Узган шимбәдә Чаллыдагы кафеда булган конфликт алга таба сугышуга кадәр барып җиткән. Бу хакта «Татар-информ» агентлыгына әлеге хәл белән таныш чыганак хәбәр итте.
Ачыкланганча, низаг хатын-кыз аркасында килеп чыккан. Татар эстрадасы артисты бер кыз белән танышырга уйлаган. Әмма икенче бер компаниядәге егет моңа каршы чыккан һәм низагның ахыры сугышу белән тәмамланган.
Нәтиҗәдә, полиция бүлегенә гариза килгән. Хәзерге вакытта полиция хезмәткәрләре әлеге хәлне тикшерә.