Махсус операция зонасындагы Татарстан хәрбиләре үз укытучыларын бәйрәм белән котлады
Ватан сагында торучы Татарстан хәрбиләре педагогларны зур җылылык белән искә ала һәм үз иленә мәхәббәт уятканнары өчен укытучыларына рәхмәт әйтә.
Хәрбиләр Чаллының 15, 22 һәм 55нче мәктәпләре, шулай ук Кама автомеханика техникумы укытучыларына котлау һәм рәхмәт сүзләрен җиткерде, аларга сәламәтлек теләде.
Казанның 20 һәм 34нче мәктәпләрен тәмамлаучылар да үз укытучыларын искә алды – соңгысында бер хәрбинең тормыш иптәше белем бирә. Әгерҗенең 34нче һәм Менделеевскиның 3нче мәктәбе мөгаллимнәре адресына да котлау сүзләрен җиткерделәр.
Элегрәк хәбәр ителгәнчә, Татарстан бүген хәрбиләргә запас частьләр һәм комплектлау җиһазлары төялгән дүрт фура, шулай ук 7 квадроцикл озатты.
«Хөрмәтле ветераннар, мәгариф хезмәткәрләре. Сезгә намуслы хезмәтегез һәм республикабыз үсешенә саллы өлеш керткәнегез өчен зур рәхмәт. Кадерле укытучылар, сезгә тынычлык, игелек, сәламәтлек һәм яңа уңышлар теләп калабыз», - дип кушылды котлауларга РФ Дәүләт Думасы депутаты Әлфия Когогина.
Россия Кораллы Көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны аша күбрәк белергә мөмкин.