Новости за 30.10.2023

Чаллыда ел саен 300 мең квадрат метр торак йорт төзелә. Проектның бердәм концепциясен булдыру күздә тотыла. Шул ук вакытта уңайлылыкка да өстенлек бирелә. Чаллының баш архитекторы Мәликә Шәмсиева эшлекле дүшәмбе киңәшмәсендә «машинасыз йортлар» проекты белән таныштырды. Бу хакта «Шәһри Чаллы» газетасы яза.

«Миллиард.Татар» милли кием һәм аксессуарларның иң яхшы заманча дизайнерына онлайн-тавыш бирүне башлап җибәрде. Яраткан брендың өчен интернет-басманың Telegram каналында яки «ВКонтакте» төркемендә тавыш бирергә мөмкин.

Менделеевскида махсус хәрби операция зонасында һәлак булган хәрбиләр истәлегенә биш мемориаль такта ачылды. Тантанада җитәкчеләр, шәһәрнең мактаулы гражданнары, хәрбиләрнең якыннары һәм туганнары катнашты.

Ренат Ибраһимовка багышланган концертны Татарстан Республикасының Россия Федерациясендәге Тулы вәкаләтле вәкиллеге 21 ноябрьдә Үзәк тимер юлчылар мәдәният йортында оештыра.

Чит ил инвесторлары арасында Төркия Татарстан өчен беренче урында тора торган инвестор. Бу хакта Казанда Төркия Республикасының йөз еллык юбилеена багышланган тантаналы кабул итү вакытында Татарстан Республикасының инвестицион үсеш агентлыгы башлыгы Талия Миңнуллина хәбәр итте.

2026 елда Чаллы шәһәре оешуга 400 ел тулуны билгеләп үтәчәкләр. Аппарат киңәшмәсе вакытында шәһәр башлыгы Наил Мәһдиев бу истәлекле дата һәм аның әһәмиятен исәпкә алып бәйрәмгә актив әзерлек үткәреләчәк, дип белдерде.

Иртәгә Татарстан территориясендә кар һәм бураннар фаразлана, әмма атна уртасыннан явым-төшемсез бик җылы һава торышы урнашачак. Бу хакта республиканың Гидрометеорология үзәге хәбәр итә.

Явым-төшем булмау һәм туфракта дым җитмәү Татарстанда көзге культура чәчүлекләренең 19 процентының кимүенә яки начар торышына төп сәбәп булды. Республикада октябрьнең икенче декадасының күпчелек көннәрендә явым-төшемнең тигез булмавы аркасында тотрыксыз температура режимы билгеләп үтелде, дип хәбәр итә Россельхозцентрның ТР буенча матбугат хезмәте.

«Татар-информ»ның татар редакциясе һәм «Интертат» сайты журналисты Зилә Мөбәрәкшина язучы, публицист, сәясәтче Гаяз Исхакый һәм язучы, нәшир, журналист Йосыф Акчураның Истанбул зиратындагы каберләренең координаталарын ачыклады.

Татарстан Рәисе Рөстәм Миңнеханов «Туполев» ГАҖ идарәче директоры Вадим Королев белән очрашты. Очрашуның төп темасы Казан авиация заводын үстерү мәсьәләләре булды, дип хәбәр итә ТР җитәкчесе матбугат хезмәте.

1-6 ноябрьдә Тинчурин театры «Татарстан радиосы» белән берлектә «Татарстан» радиосында – Тинчурин театры атналыгы» дигән махсус радиопроект оештыра. Бер атна дәвамында «Татарстан радиосы»нда театр белән бәйле тапшырулар чыгачак. Проект Кәрим Тинчурин исемендәге Татар дәүләт драма һәм комедия театрының 90 еллыгына багышлана.

Башкортстанның халык артисты Фидан Гафаров спектакль барышында җәрәхәт алган, әмма аны ахырына кадәр уйнап чыккан. Хәзер актер хастаханәдә дәваланам, дип хәбәр иткән «Башинформ»га.

Анкарада Төркия Җөмһүрияте төзелүгә 100 ел тулуга багышланган кичә булган. Кичәдә «Казан» бию ансамбле, яшь җырчы, «Голос» телепроекты финалисты Сәидә Мөхәммәтҗанова, Татарстанның атказанган артисты, баянчы Ринат Вәлиев чыгыш ясаган.

Якутиядә 31 октябрьдә тантаналы рәвештә Казан скверы ачылачак, анда татар шагыйре, Советлар Союзы Герое Муса Җәлилгә һәйкәл куелачак. Тантанада Татарстан делегациясен республика вице-премьеры, Бөтендөнья татар конгрессы Милли шурасы башлыгы Васил Шәйхразиев җитәкләячәк. Бу хакта Саха (Якутия) Республикасы башлыгы хакимиятенең рәсми сайтында хәбәр ителә.

"Уйташ" һава аланы баш мөдире Сәид Рамазанов бәяләмәсенә күрә, һава аланын яулап алучылар 10 миллион сумлык зыян китергән.

Татарстанда сәламәтлекләре буенча яраклы һәм 2024 елда хәрби хезмәткә чакырылырга тиешле 900дән артык эшсез кешене хәрби-хисап белгечлекләренә өйрәтәләр. Бу хакта республика Хөкүмәте карарында әйтелә.

25 октябрьдә КПРФның республика бүлекчәсе сайтында "Башкортстанның күпмилләтле халкының традицион кыйммәтләрен яклау" турында белдерү чыкты. Анда мәшһүр балет биючесе Рудольф Нуриевның дәүләткә хыянәт итүе, "ЛГБТ вәкиле булуы" әйтелгән иде. Белдерү тәнкыйтькә тотылды.

Татарстан Дәүләт Советы рәисе һәм Татарстан Республикасы волейбол федерациясе президенты Фәрит Мөхәммәтшин «Зенит-Казан» ирләр волейбол клубы җитәкчелегенә һәм уенчыларына Россия суперкубогында җиңүләре уңаеннан котлау телеграммасы җибәрде. Бу хакта Татарстан парламентының матбугат хезмәте хәбәр итә.

Заявочная кампания на XIX Республиканскую премию для обучающихся по программам высшего образования «Студент года Республики Татарстан – 2023» продлится до 10 ноября.

Ел башыннан Татарстан башкаласында юлларның авария еш була торган начар хәлдәге 75 участогы иминләштерелгән, аларда барлыгы 270 юл-транспорт һәлакәте теркәлгән. Бу хакта мэриядә эшлекле дүшәмбедә шәһәр Башкарма комитеты җитәкчесе урынбасары Игорь Куляжев сөйләде.

27 октябрьдә Ульяновск шәһәре Заволжский районының 1нче мәхәлләсе карамагындагы Ислам мәдәни агарту үзәгендә ана теле укытучылары, балалар бакчалары мөдирләре белән киңәшмә узды. Бу хакта Бөтендөнья татар конгрессы матбугат хезмәте хәбәр итә.

Мәскәү Татар мәдәнияте үзәгендә танылган музыкант, мультиинструменталист, композитор, аранжировкалар остасы, халыкара бәйгеләр лауреаты Тәлгать Хәсәновның юбилей кичәсе булды. Бу хакта Мәскәү шәһәре татар милли-мәдәни автономиясе төбәк иҗтимагый оешмасының матбугат хезмәте хәбәр итә.

Воспитатели учреждения провели групповое занятие с получателями социальных услуг с применением игротерапии.

18-19 ноябрьдә Чиләбе шәһәренең Советлар Союзы Герое Муса Җәлил исемендәге 81нче урта гомуми белем бирү мәктәбе мәйданчыгында өлкә күләмендә XIV «Җәлил укулары» әдәби бәйгесе узачак. Бу хакта Чиләбе өлкәсе татарлары конгрессының «ВКонтакте» социаль челтәрендәге төркемендә хәбәр ителә.

Нурлатская городская прокуратура поддержала государственное обвинение по уголовному делу в отношении 33-летней местной жительницы.