Татарстанда кар явуы көтелә, төнлә температура нульгә якын булачак
Татарстанның Гидрометеорология үзәге фаразынча, сишәмбе, 10 октябрьдә республикага аз (уртача) күләмле явым-төшемнәр киләчәк.
Төнге температура нуль билгесенә якынлаша ( 0..+4), көндезге температура сигез градустан югары күтәрелмәячәк (+3..+ 8). Көньяк-көнбатыштан исә торган җилнең тизлеге 6-11 м/с булачак, урыны белән 14 метрга кадәр җитәчәк.
Казанда термометр баганалары төнлә +1...+3 градус күрсәтәчәк. Көндез дә, Татарстандагы кебек үк, салкын (+5..+ 7) була. Көньяк-көнбатыштан искән җил тизлеге 6-11 м/с булыр дип фаразлана, урыны белән 13 м/с кадәр көчәячәк.
«Татар-информ» Михаил Леус фаразын да язган иде, анда ул 10 октябрьдә Үзәк Россия территориясендә температураның шактый төшүен һәм беренче кар явуын әйтте.