Кукмара районының Манзарас һәм Ядегәр авыллары китапханәләре заманча итеп үзгәртеләчәк
Кукмара районының Манзарас һәм Ядегәр авыллары китапханәләре заманча итеп үзгәртеләчәк. Бу хакта «Хезмәт даны» газетасы яза.
Үзгәртү бердәм модель стандарты буенча үткәрелә, аңа югары тизлекле интернет тоташтыру, актуальләштерү керә.
Россия Федерациясе Мәдәният министрлыгы 2024 елда узачак китапханәләрне модернизацияләүгә РФ субъектларын сайлап алуга йомгак ясады.
Иң күп модернизацияләнгән китапханәләр Татарстан Республикасында һәм Чечен Республикасында барлыкка киләчәк, анда 2024 ел дәвамында 4 учреждение ачылачак.
Әлеге конкурста җиңүчеләр арасында Кукмара районыннан да ике китапханә бар. Алар Манзарас һәм Ядегәр авыллары китапханәләре.
Әлеге кече китапханәләрне модернизацияләүгә 8 млн сум акча юнәлдереләчәк. Үзгәртү бердәм модель стандарты буенча үткәрелә, аңа югары тизлекле интернет тоташтыру, актуальләштерү керә, диелә хәбәрдә.