Данис Шакиров «Фидакарь хезмәт өчен» медале белән бүләкләнде
Бүген «Татарстанның эшлекле хезмәттәшләре» форумының пленар утырышы кысаларында Татарстан Республикасы Рәисе Рөстәм Миңнеханов дәүләт бүләкләрен тапшырды.
«Татарстан Респуликасының «Фидакарь хезмәт өчен» медале белән Бөтендөнья татар конгрессы Башкарма комитеты җитәкчесе Данис Фәнис улы Шакиров бүләкләнде. Данис Фәнис улын чын күңелдән тәбриклибез, эшендә зур уңышлар телибез!» дип хәбәр итте Бөтендөнья татар конгрессы матбугат хезмәте.