Татарстаннан хәрби: ил белән Путиннан башка кем җитәкчелек итә алуын күз алдына китермим
Чаллыдан 22 яшьлек Данила Абрамов 26 октябрьдә мобилизацияләнә. Кече лейтенант фикеренчә, Владимир Путин — бу авыр вакытта ил белән идарә итә алган бердәнбер кеше.
«Мин Владимир Владимировичтан башка мондый югары вазифаны кем башкара алуын һәм бу авыр вакытта ил белән җитәкчелек итә алуын күз алдына да китерә алмыйм. Аның тәҗрибәсе күбрәк, уйлары күбрәк, ә хәзерге ситуациядә тагын кем аның урынын ала алсын?» — ди махсус операция хәрбие.
Хәзер Данила Абрамов ялда — Чаллыда өендә. Мобилизациягә кадәр ул шәхси сак предприятиесе иминлек менеджеры булып эшли. Армия хезмәте вакытында Рязаньда парашют-десант гаскәрләрендә хезмәт итә.
Махсус хәрби операция тәмамлануга әлегә планнар төземи, вакыт күрсәтер, ди. Әмма Россия армиясе сафларында хезмәтен дәвам итәргә теләвен таный.