Владимир Путинның киләсе атнага планында Россиянең бер төбәгенә сәфәр каралган
Россия Президенты Владимир Путинның киләсе атанга планнарына илнең бер төбәгенә сәфәр кертелгән. «Мәскәү. Кремль. Путин» тапшыруы эфирында шул хакта билгеле булды, дип яза «Татар-информ».
Элегрәк мәгълүм булганча, 14 декабрьдә көн уртасында Президент белән йомгаклау конференциясен дә берләштергән туры элемтә оештырыла.
Аңа кадәр, 12 декабрьдә - Россия Федерациясе Конституциясе көнендә - дәүләт башлыгы Конституция суды хөкемдарлары белән очраша. Моннан тыш, яңа атнада Иминлек советы әгъзалары белән киңәшмә дә планлаштырылган.