Азат ителгән территорияләрдә яшәүче тыныч халык өчен Алабугада гуманитар ярдәм җыялар
Алабугада яшәүчеләр азат ителгән территорияләрдәге тыныч халык өчен гуманитар ярдәм җыюны дәвам итә. Гуманитар йөк бер кварталга өч тапкыр озатыла. Бу хакта «Алабуга нуры» хәбәр итә.
«Хәрбиләргә һәрдаим ярдәм итеп тору белән беррәттән, без азат ителгән территорияләрдә яшәүче тыныч халык турында да онытмаска тырышабыз, ‒ диде «Без бергә» волонтерлык эшчәнлеге буенча штаб җитәкчесе Роман Епанешников.
Гуманитар йөкне озату 15 декабрьгә планлаштырылган. Хәйрия эше «Барс» яшьләр үзәгендә (Нефтьчеләр проспекты, 29а) оештырылган, биредә урнашкан кабул итү пунктына битараф булмаган алабугалылар исемлектә булган иң кирәкле әйберләрне — озак саклана торган азык-төлектән алып, шәхси гигиена чаралары, көнкүреш әйберләре (сөлге, савыт-саба) һәм җиһазларга кадәр алып килә ала.