Төркия гражданлыгы алу өчен таләп ителә торган торакның минималь бәясен арттыралар - РИА
2024 елда Төркия Хөкүмәте Төркия гражданлыгы алу өчен күчемсез милекнең минималь бәясен хәзерге 400 мең доллардан 600 мең долларга кадәр арттырырга ниятли. Бу хакта РИА Новости агентлыгы Гражданлык эшләре идарәсендәге чыганакка, шулай ук ике риелторга сылтама белән хәбәр итә.
«Хәзерге вакытта Төркия гражданлыгын алу өчен күчемсез милекнең минималь бәясе 400 мең доллар тәшкил итә, әмма аны 600 мең долларга кадәр арттыру планы бар», - дип хәбәр итте чыганак. Аның сүзләренчә, яңа кагыйдәләр 2024 елда кертелергә мөмкин.
Истанбулда күчемсез милек белән эшләүче ике риелтор да торакның минималь бәясен арттырырга җыенулары турындагы мәгълүматларны раслады. Аларның әйтүенчә, әлеге чара «яңа елдан соң» үз көченә керергә мөмкин.
Күчемсез милек сатып алган өчен гражданлык алу программасы Төркиядә 2017 елдан гамәлдә. Ул чагында бәясе ким дигәндә 1 миллион доллар торган объект сатып алырга кирәк иде. Аннары 2018 елның сентябрендә лимитны 250 мең долларга кадәр киметтеләр, диелә хәбәрдә.