Казанда юл-транспорт һәлакәте оештырган йөртүчене тоткарлаганнар
Казанда авария оештырган йөртүче качып киткән. Бу хакта шәһәр Дәүләт автоинспекциясе матбугат хезмәтендә хәбәр иттеләр.
Авария шаһиты хокук саклау органнарына видеорегистратор язмасын биргән, анда автомобильне, ә аннары йөртүчене дә ачыклаганнар.
Аңа карата берничә административ материал төзегәннәр, аннары полиция бүлегенә китергәннәр.
Искәртик, авария бүген иртән Залеснойда 132нче йорт янында булган. 14нче модельле «Лада» йөртүчесе автомобильнең юлын кискән, нәтиҗәдә ул каршы як полосага чыккан һәм BMW белән бәрелешкән. Юл-транспорт һәлакәтендә «Лада» автомобиле йөртүчесе, 3 һәм 5 яшьлек балалар имгәнгән.