Васил Шәйхразыев Пермь шәһәренең Татар этномәдәни башлангыч мәктәбе бинасы белән танышты
Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев Пермь шәһәренең Татар этномәдәни башлангыч мәктәбе бинасы белән танышты.
Бөтендөнья татар конгрессы хәбәр итүенчә, «Чулпан» балалар бакчасы янәшәсендә Татар этномәдәни башлангыч мәктәбен сафка бастыру буенча эш алып барыла. Әлеге изге эшне татар эшмәкәрләре башлап җибәрә. Алар ташландык балалар бакчасын алып, аны төзекләндерергә керешә. Бу максаттан «Ватан» хәйрия фонды оештырганнар. Мәктәптә 150-160 бала белем алачак.