Путин: Хосусый хәрби компания вәкилләре социаль ташламаларга һәм дәүләт ярдәменә хокуклы

Хосусый хәрби компания вәкилләре, хәрби гамәлләрдә башка катнашучылар кебек үк, социаль ташламаларга һәм дәүләт ярдәменә хокуклы. Бу хакта РФ Президенты Владимир Путин туры элемтә барышында бу аның принципиаль позициясе булуын әйтте.

«Нечкәлекләренә тукталмыйм, ләкин моны эшләргә кирәк. Оборона министрлыгы, Хөкүмәт моны белә. Законга төзәтмәләр кертергә кирәктер. Бу эшләнәчәк, моңа ирешәчәкбез. Шуңа омтылачакбыз», – диде Путин видеомөрәҗәгатькә җавабында.

Россия Президентына Новосибирск өлкәсеннән Сергей Соболев мөрәҗәгать итте. Узган елда ул хосусый хәрби компания белән контракт имзалаган, тик аны хәрби хәрәкәт ветераны итеп танымаганнар.

«Оборона министрлыгы тарафыннан мондый кимчелекләр булмаска тиеш дип уйлыйм. Проблема шунда ки, Россиядә хосусый хәрби компания юридик яткан юк. Алар закон тарафыннан каралмаган. Икенчесе – хәрби хәрәкәттә катнашучылар тарафыннан «хосусый хәрби компания» кысаларында дәүләт белән контрактлар төзелмәгән. Бу – төп проблема», – диде Путин.

Хосусый хәрби компания командирлары дәүләт белән ниндидер мөнәсәбәтләрдә булган, түләүләр чын акчалар белән бирелгән. «Бу да зур проблема», – диде Президент.

Аның сүзләренчә, хәзер мондый хәрби бүлекчәләрнең шәхси составы исемлеген төзү кыен да. «Андый кешеләрне ишетеп кенә белүем түгел. Якыннарым арасында да хосусый хәрби компанияләрдә катнашучылар булды. Кайберләре хосусый хәрби компания кысаларында Россия өчен гомерен биреп китте. Бер шиксез, аларның хокуклары торгызылырга тиеш», – диде Путин.