Илһам Шакиров исемендәге концертлар залында «Татар җыры» тамашасы башланды
«Казан Экспо» халыкара күргәзмәләр үзәгенең Илһам Шакиров исемендәге концертлар залында «Татар җыры» фестивале башланды. Залда тамашачылар арасында Татарстан Республикасы Рәисе Рөстәм Миңнеханов бар.
Тамашачыларны «Барс-Медиа» компанияләр группасы директорлар советы рәисе Камил Гәрәев сәламләде. «Һәр фестиваль – иҗат нәтиҗәсе. Танылган артистлар да, яшь җырчылар да сәхнәдән чыгыш ясар. Матур җыр, матур көй, татар җыры булыр», – диде ул.
Фестиваль быел 24нче тапкыр үткәрелә. Концертта 20дән артык артист чыгыш ясаячак. Концертны Айрат Ильясов, Гөлназ Сәфәрова, Рамил Шәрәфиев алып бара.
Артистлардан беренче булып сәхнәгә Татарстанның атказанган артисты Әнвәр Нургалиев чыкты.
- «Татар җыры»ның беренче фестивале 1999 елда биш көн дәвамында Камал исемендәге театрда булды. 2023 елда фестиваль Мәскәүдә - 11, ә Уфада - 8 тапкыр узды.