Мәрхүм депутат Илшат Ганиев вәкаләтләрен Татарстан Дәүләт Советы вакытыннан алда туктатты
Татарстан Дәүләт Советы депутат Илшат Ганиевнең вәкаләтләрен вакытыннан алда туктату турында карар кабул итте. Ул шул елның ноябрендә вафат булды.
Исегезгә төшерәбез, парламентарий 69 яшендә вафат булды. Илшат Ганиев алтынчы чакырылыш Татарстан Республикасы Дәүләт Советы депутаты, Россиянең һәм Татарстанның атказанган авыл хуҗалыгы хезмәткәре иде.
Булачак парламентарий 1954 елның 3 гыйнварында туган. 1976-1986 елларда «Майский» совхозында эшли, үсемлекләрне саклауда агроном, үсемлекләрне саклауда өлкән агроном, 3 нче цех башлыгы, баш агроном урынбасары, баш агроном вазифаларын башкара.
1986-1989 елларда КПССның Татарстан өлкә комитетының авыл хуҗалыгы һәм азык-төлек сәнәгате бүлеге инструкторы вазифасында эшли. 1989 елдан «Майский» совхозын җитәкли. 2008 елдан — «Майский» теплица комбинаты» ҖЧҖ генераль директоры.
2001 елда Илшат Ганиев Татарстан Дәүләт премиясе лауреаты була. Халыкара хәйрия фондының «Меценат» алтын ордены (2006), «Татарстан Республикасы алдындагы казанышлары өчен» ордены (2016), «Фидакарь хезмәте өчен» медале, Татарстан Республикасының Мактау грамотасы һәм башка бүләкләр белән бүләкләнә.