Омскиның «Умырзая» ансамбле, «Өмет» студиясе балаларны чакыра һәм татар уен кораллары җыя
Омскиның «Умырзая» халык татар-башкорт фольклор ансамбле җырчылар һәм биючеләр җыюы турында игълан итә. Бу хакта Омск татарларының «ВКонтакте» социаль челтәрендәге төркемендә хәбәр ителә.
Моннан тыш, «Өмет» фольклор студиясе вокал һәм бию коллективларына балалар, шулай ук баян, думбра, курай, кубыз һ.б. татар халык уен кораллары җыя.
«Килгән һәркемгә шат булачакбыз!» - диелә хәбәрдә.