Әлмәт базарларында чыршы бәясе билгеле булды
Яңа елга санаулы көннәр калды. Әлмәттә яшәүчеләр бәйрәмнең төп символын сатып ала башлый. Шәһәрдәге чыршы базарларында кечкенә һәм ике метрлы агачлар сатып алырга мөмкин. Бу хакта «Әлмәт таңнары» хәбәр итә.
Агачларның бәясе 300 сумнан 1 мең сумга кадәр. Күпләр өчен Яңа ел чыршысы бәйрәм символы.
Агачларны Башкортстаннан, Екатеринбургтан һәм Пермьнән алып киләләр.
Базарларда 31 декабрьгә кадәр чыршы һәм чыршы ботаклары сатып алырга мөмкин булачак.