Равил Гайнетдин Фәннәр академиясенә 1787 елгы Көръән китабының репринтын бүләк итте
Татарстан Республикасы Фәннәр академиясендә узган IX Бөтенроссия фәнни-гамәли конференция – «Шиһабетдин Мәрҗәни исемендәге укулар»да Россия Федерациясе мөселманнары Диния нәзарәте рәисе, мөфти шәех Равил хәзрәт Гайнетдин 1787 елда бастырылган Коръән китабының репринтын Фәннәр академиясенә бүләк итте.
«Мин 1787 елда дөнья күргән һәм ислам динебезнең 1100-еллык юбилеена багышлап репринт басма белән әзерләнгән Көръәни Кәримне Татарстан Республикасы Фәннәр академиясенә бүләк итеп алып килдем. Бу – безнең татарлар әзерләп чыгарган басма, һәм шул басманың нөсхәсеннән алынган Көръәни Кәрим репринты. Ул Татарстан Республикасы Фәннәр академиясендә булырга тиеш», – диде Равил хәзрәт Гайнетдин.