Мәскәүдә микроавтобус йөртүчесе балалар утырган автобуска бәрелгән, алты кеше зыян күргән
Мәскәүдә микроавтобус балалар утырган автобуска килеп бәрелгән. Алты кеше зыян күргән, дип хәбәр итә РИА Новости агентлыгы РФ Эчке эшләр министрлыгының Мәскәү шәһәре буенча Баш идарәсе матбугат хезмәтенә сылтама белән.
Ведомствода хәбәр итүләренчә, Volkswagen микроавтобусын йөртүче Калуга шоссесы буенча барган, кинәт хәле начарайган һәм балалар утырган автобуска килеп бәрелгән. Нәтиҗәдә, микроавтобус юлга аркылы баскан һәм аңа тагын берничә машина килеп сыланган.
«Якынча мәгълүматлар буенча, микроавтобуста алты кеше зыян күргән. Балалар арасында зыян күрүчеләр юк», - дип белдерделәр полициядә.