Петербургта Олег Басилашвилиның хатыны Галина Мшанская вафат булган
Узган төндә телетапшырулар алып баручы, СССРның халык артисты Олег Басилашвилиның хатыны Галина Мшанская вафат булган. Бу хакта телетапшырулар алып баручы Ника Стрижак Telegram-каналда хәбәр итте.
«Февральдә аңа 91 яшь тулган иде. Сәламәтлегенә бәйле проблемалар булса да, ул гомеренең соңгы көннәренә кадәр үз акылында булды. Ул һәрвакытта да кабатланмас, кырыс кеше иде. Музыкаль театр йолдызлары белән бик күп программалар алып баруын хәтерлим. Аның белеме, үзенчәлекле интонациясе һәм түбән тавыш үзенә җәлеп итеп тора иде», - дип язган ул.
Стрижак Галина Мшанскаяның гаиләсенең кайгысын уртаклашты.
Санкт‑Петербург губернаторы Александр Беглов та Олег Басилашвилига кайгы уртаклашу сүзләрен юллады.