Уфада яшәүче ир-ат лотереяга 7 миллион сум акча откан
Уфада яшәүче ир-ат лотереяга 7,1 миллион сум акча откан. Бу хакта «Башинформ» агентлыгы лотерея үзәге матбугат хезмәтенә сылтама белән хәбәр итә.
Ир-ат моннан алдагы отышлардан кергән акчага билет сатып алган. Билетны үзе сайламаган, ә сатучыдан очраклы билетны бирүен үтенгән. Сайтта һәм лояльлек программасында теркәлмәгән булганга, абыйсының телефон номерын атаган. Шуңа күрә отыш турындагы шатлыклы хәбәрне дә аңа туганы хәбәр иткән.
Ир-ат икмәк-күмәч әйберләре җитештерү предприятиесендә оператор булып эшли. Буш вакытында бакчада шөгыльләнә һәм балыкка йөри. Ул лотереяга откан акчаны ипотека һәм кредитларын түләүгә сарыф итәргә ниятли. Ә калган акчага сәяхәт итәргә тели.