Новости за 21.06.2020

حزب اللہ لبنان نے 39 سکینڈ کی فلم کے ذریعہ اسرائیل پر خوف و ہراس اور لرزہ طاری کردیا ہے۔

حزب اللہ لبنان نے 39 سیکنڈ کی ویڈیو میں اسرائیل کے حساس علاقوں کو پیش کرکے اسرائیل پر خوف و ہراس اور لرزہ طاری کردیا ہے ۔

امریکی شہر مینیاپولس میں فائرنگ کا واقعہ پیش آیا ہے جس کے نتیجے میں ایک شخص ہلاک اور 11 افراد زخمی ہو گئے ہیں۔

بھارت کی اپوزیشن جماعت کانگریس آئی کے رہنما راہول گاندھی نے لداخ میں چینی فوج کے ہاتھوں شرمناک شکست پر بھارتی وزیراعظم نریندر مودی کو " سرینڈر مودی " قرار دیدیا ہے۔

کورونا وائرس سے روس میں ہلاکتوں کی تعداد 8 ہزار 111 ہو گئی جبکہ اس مہلک وائرس میں مبتلا مریضوں کی تعداد 5 لاکھ 84 ہزار 680 ہو چکی ہے۔

مقبوضہ کشمیر میں ہفتے کے روز 14 فوجی اہلکاروں کا کورونا وائرس ٹیسٹ مثبت پایا گیا ہے، اس کے ساتھ ہی رواں مہینے میں کورونا وائرس سے متاثرہ فوجی اہلکاروں کی تعداد 76 ہو گئی ہے جب کہ ایک اہلکار کی موت بھی واقع ہوئی ہے۔

امریکی صدر ڈونلڈ ٹرمپ نے کورونا وائرس کی وباء کا الزام ایک بار پھر چین پر لگاتے ہوئے اس کو چائنہ وائرس اور کنگ فو وائرس قرار دے دیا ہے۔

بھارت میں کورونا وائرس سے اب تک 13 ہزار 290 افراد ہلاک ہوگئے ہیں جبکہ اس سے متاثرہ مریضوں کی تعداد 4 لاکھ 12 ہزار 788 ہو گئی۔

امریکی صدر ڈونلڈ ٹرمپ نے تارکین وطن کی آمد روکنے کیلیے ویزا پالیسی کو مزید سخت کرنے کا فیصلہ کرلیا ہے جس کا اعلان پیر کو متوقع ہے۔

کورونا وائرس کے مریضوں کی تعداد کے حوالے سے برازیل دوسرے نمبر پر ہے جہاں کورونا کے مریضوں کی تعداد 10 لاکھ 70 ہزار 139 تک جا پہنچی ہے جبکہ اس مہلک وائرس سے ہلاک ہونے والوں کی تعداد 50 ہزار 58 افراد تک پہنچ گئي ہے۔

صدر رجب طیب اردوغان نے کہا ہے کہ ترکی دنیا کی 10 بڑی معیشتوں میں شامل ہونے کے قریب پہنچ گیا ہے۔

امریکہ میں کورونا وائرس سے اب تک 1 لاکھ 21 ہزار 983 افراد موت کے منہ میں پہنچ چکے ہیں جبکہ اس مہلک وائرس سے بیمار ہونے والوں کی مجموعی تعداد 23 لاکھ 30 ہزار 769 ہو چکی ہے۔

مقبوضہ کشمیر میں بھارتی فوج نے سری نگر میں سرچ آپریشن کے دوران فائرنگ کرکے مزید 3 افراد کو گولیاں مار کر کردیا ہے۔

دنیا بھر میں کورونا وائرس سے متاثرہ افراد کی تعداد 89 لاکھ 44 ہزار 481 تک جا پہنچی ہے جبکہ اس مہلک وائرس سے ہلاکتوں کی تعداد 4 لاکھ 67 ہزار 282 تک پہنچ گئی ہے۔

برطانیہ کے علاقے ریڈنگ میں چاقو سے حملے میں 3 افراد ہلاک ہوگئے۔

اس رپورٹ میں دماوند پہاڑ کے دامن میں لہلہاتے سرخ پھولوں کا منظر پیش کیا جاتا ہے۔

پاکستان کی حکمراں جماعت پاکستان تحریک انصاف (پی ٹی آئي ) اور بلوچستان نیشنل پارٹی (بی این پی) کے سربراہ سردار اختر مینگل کے درمیان مذاکرات ناکام ہوگئے ہیں اور اختر مینگل نے پی ٹی آئی اتحاد میں واپس جانے سے انکار کردیا ہے۔

بھارت کے ایک 24 سالہ جوان کو بچپن سے ہی شہد کی مکھیوں کے ساتھ بہت زيادہ لگاؤ تھا اس کے چءرے پر اگر ہزاروں شہد کی مکھیاں بیٹھ جائیں تو اسے کوئی خطرہ محسوس نہیں ہوتا۔

یمن سے سعودی عرب کی طرف فائر ہونے والے میزائلوں کے پيچھے ایرانی ماہرین کا ہاتھ بتایا جاتا ہے۔

دنیا بھرکی سکھ تنظیموں کی طرف سے 4جولائی سے خالصتان کے لیے ریفرنڈم ٹوئنٹی 20 کی رجسٹریشن شروع کرنے کا اعلان کیا گیا ہے جس سے بھارتی حکومت کی پریشانیوں میں اضافہ ہوگیا ہے۔

اس ویڈیو میں کربلائے معلی میں کورونا وائرس کی وجہ سے لگی پابندیوں کے خاتمہ کے بعد کا منظر پیش کیا جاتا ہے۔

امریکہ اور اسرائیل کے ساتھ ملکر ایران کی معیشت کو تباہ کرنے کا ناپاک منصوبہ بنانے والے سعودی عرب کو آج خود معاشی تباہی اور بربادی کا سامنا ہے کورونا وائرس کے پھیلاؤ ، حج کی منسوخی ، یمن پر مسلط کردہ جنگ اور تیل کی برآمدات میں کمی کی وجہ سے سعودی عرب کی معیشت کو آج بڑی تباہی اور بربادی کا سامنا ہے۔

پاکستان میں کورونا وائرس کے کیسز کی تعداد 1 لاکھ 76 ہزار 617 ہو چکی ہے، جبکہ اس موذی اور مہلک وباء سے ہلاک ہونے والے افراد کی کُل تعداد 3 ہزار 501 تک جا پہنچی ہے۔

اسلامی جمہوریہ ایران کی سپاہ قدس کے کمانڈر جنرل اسماعیل قاآنی نے کہا ہے کہ ہم شہید میجر جنرل قاسم سلیمانی کی طرح فلسطینی عوام کے ساتھ کھڑے ہیں۔

اسلامی جمہوریہ ایران سمیت ایشیا اور افریقہ کے کئي ممالک میں سورج گرہن لگا ہوا ہے۔