Бахмалда болаларга совуқда атлас кийдирган ташкилотчиларга огоҳлантириш берилди
Туманҳокими тадбир охирида ташкилотчилар билан кичик йиғилиш ўтказган.
Кеча ижтимоий тармоқларда кескин норозиликларга сабаб бўлган ҳолат юзасидан Бахмал тумани ҳокимлиги изоҳ берди.
Ҳолат 20 ноябрь куни Бахмал туманида Ахборот-кутубхона маркази очилиш маросимида юз берган.
Туман Ахборот кутубхона маркази томонидан ташкил этилган очилиш маросимига туман ҳокими иштирокчи сифатида таклиф этилган.
Туман ҳокими ташкилотчиларнинг ёш болаларни совуқ кунда юпун кийинтирганлигини ташриф буюрганидан кейин гувоҳи бўлган. Очилиш маросими ташқарида тахминан 5-6 дақиқа давом этган.
Тадбир якунлангач туман ҳокими тадбир ташкилотчиларига кичик йиғилиш ўтказади. Мазкур йиғилишда туман ҳокими тадбирни ташкилий қисми нега айнан бинонинг ичида ўтказилмаганли юзасидан кескин муносабат билдирган.
Куни кеча ижтимоий тармоқларда чиқарилган эътирозлар юзасидан расмдаги ўқувчилар ва уларнинг ота-оналари билан суҳбат жараёнида мазкур ҳолатда узоқ вақт ташқарида қолиб кетмаганлиги сабабли эътирозлари йўқ эканлигини билдиришган.
Тадбир ташкилотчиларига қонуний тартибда ўз хизмат вазифасини бажараётган вақтда йўл қўйган камчиликлари юзасидан огоҳлантириш берилди.
Аввалроқ, Андижонда ўқувчиларини юпун кийимда совуқда қолдирган директор ва ўринбосари ишидан кетганди.