Ўткир аппендицит қандай намоён бўлади?
Ахбор Аъзамов, соғлом ҳаёт тарғиботчиси:
Ўткир аппендицит – бу кўричак чувалчангсимон ўсимтасининг ўткир яллиғланиши натижасида келиб чиқадиган касаллик бўлиб, кўричак жойлашган соҳада оғриқ, иситманинг субфебрил даражагача кўтарилиши(37,2-37,7°С), мажбурий ҳолатни эгаллаш ва баъзан қусиш билан намоён бўлади.
Ушбу касалликни қорин бўшлиғи аъзолари ўткир касалликлари холецистит, панкреатит, аёлларда бачадон, тухумдон ва бачадон найлари касалликларидан фарқлаш жуда муҳим ўрин тутади.
Болаларда ушбу касаллик кузатилса, эҳтиёт бўлиш лозим. Яллиғланган ўсимта ёрилса, йиринг бутун қорин бўшлиғига тарқалиб, перитонитни келтириб чиқаради. Ва бу боланинг бевақт ўлимига олиб келиши мумкин.
Юқоридаги ҳолатлар кузатилса, дарҳол жарроҳ кўригидан ўтишингиз тавсия этилади.