Навоийда ҳаракатланаётган Damas тўлиқ ёниб кетди
Навоий шаҳрида 18 март куни Damas русумли автомобиль тўлиқ ёниб кетди.
Маълум бўлишича, “Навоийaзот” акциядорлик жамиятига тегишли бўлган, машина 2014 йилда ишлаб чиқарилган.
Ҳайдовчининг айтишича, соат 15:00 атрофида машина салонида тутун чиққан. Йўловчилар машинадан тушаётганда ёнғин бошланган.
Шундан сўнг ҳайдовчи газ баллонини ёпиб, ўт ўчириш ускунаси билан ёнғинни бостирмоқчи бўлган, аммо машина тўлиқ ёниб кетган. Ҳодиса оқибатида ҳеч ким жароҳатланмаган.
Навоий шаҳри ФВБ инспектори Шоҳруҳ Рашидовнинг таъкидлашича, соат 14:14 да бўлинмага “Садриддин Айний” кўчасида ҳаракатланаётган Damas автомобилида ёнғин содир бўлгани тўғрисида хабар келиб тушган. 2 та қутқарув экипажи воқеа жойига етиб бориб, ёнғинни ўчирган.