Криштиану Роналду миллий терма жамоа сафида кетма-кет 20 йилдан бери гол урмоқда
Португалиялик ҳужумчи Криштиану Роналду миллий терма жамоа сафида кетма-кет 20 йилдан бери гол урмоқда, деб хабар беради Squawka Football.
Эслатиб ўтамиз, бир кун аввал 38 ёшли тўпурар Лихтенштейнга қарши Европа чемпионати – 2024 саралаш баҳсида дубл қайд этганди. Португалия 4:0 ҳисобида ғалабани тантана қилди.
Кечаги жанг Криштиану учун халқаро миқёсдаги 197-жанг бўлди. Энди бу кўрсаткич бўйича португалиялик футболчи рекордчи саналади.