Хонанда Дилмурод Далиев ўзи билан бирга яшаб юрган 31 ёшли аёлни нима сабабдан ўлдиргани очиқланди
Келишмовчилик хонанданинг шарий никоҳида бўлмаган аёли билан фарзандларини шифохонага олиб бориш устида бўлган.
Бош прокуратура маълумотларига кўра, оилавий жанжал оқибатида хонанда ошхона пичоғи билан аёлга бир неча марта пичоқ урган. Мазкур қотиллик бўйича бугун Риштон туманида матбуот анжумани бўлиб ўтган.
Дастлабки маълумотларга қараганда, келишмовчилик хонанданинг шарий никоҳида бўлмаган аёли билан фарзандларини шифохонага олиб бориш устида бўлган.
Тортишиш жараёнида марҳума хонанданинг шахсиятига оғир ботадиган гап гапириб юборгани, жанжал катталашиб кетгач, ошхона пичоғини олиб, аёлнинг бир неча жойига тан жароҳати етказилгани маълум қилинди.
Натижада марҳум олган тан жароҳатлари туфайли воқеа жойида вафот этган.
Хабарда айтилишича, ҳолат юзасидан жиноий иш қўзғатилган. Ҳозирда тергов ҳаракатлари олиб борилмоқда.