Кипрнинг энг йирик банки Россия фуқароларининг ҳисобларини ёпишни бошлади
Кипрнинг энг йирик банки - Bank Of Cyprus Россия фуқароларини ҳисоб рақамлари ёпиб қўйилишидан огоҳлантирди. Бу ҳақда Forbes Кипрда россияликларга комплексли хизмат кўрсатадиган Main Partner Trust ширкатига таянган ҳолда хабар берди. Бу маълумотни банк соҳасидаги манба ҳам тасдиқлаган.
Мижозларга жўнатган огоҳлантирувида банк икки ой ичида уларнинг ҳисоблари ёпилишини билдирган. Бунга фойдаланувчиларнинг шахсий маълумотлари “ўз мижозин кимлигини бил” тамойилига мос келмаётгани сабаб қилиб кўрсатилган.
Main Partner Trust ширкатига кўра, ҳисоб рақамларининг ёпилишига мижознинг Россия солиқ резиденти экани ва Россияда санкция остидаги бизнес фаолиятдан даромад олиниши сабаб бўлиши эҳтимол.
Forbes журналининг ёзишича, Кипрда нафақат Bank Of Cyprus, балки Грециянинг Hellenic Bank ва Alpha Bankларининг Кипрдаги бўлимларида ҳам Россия фуқаролари ҳисоблари ёпилиши кутилмоқда.
Bank Of Cyprus ҳисоб рақамларида россияликларнинг камида 700 минг евролик депозитлари сақланади. Бу ҳисобга Кипрда Россия фуқаролари эгалик қиладиган ширкатлар сақлайдиган пул миқдори киритилмаган.