Франция ташқи ишлар вазири Парижда Нигер бош вазири ва элчиси билан учрашди
Франция ташқи ишлар вазири Кетрин Колонна Африка республикасидаги инқирозни бартараф этиш масаласини муҳокама қилиш учун Орсада Нигер бош вазири Уҳумуду Маҳамада ва Нигернинг Париждаги элчиси Аишата Булам Кейнни қабул қилди.
Бу ҳақда Франция ТИВ матбуот хизмати хабар берди.
“Вазир Франция Нигер халқи томонидан сайланган президент [Муҳаммед] Базум ва унинг Нигердаги ягона қонуний ҳокимият бўлган ҳукуматини тўлиқ қўллаб-қувватлашини яна бир бор тасдиқлади”, — дейилади коммуникеда.
“Франция ушбу давлат тўнтаришига уриниш учун жавобгарларни расман президент Базум ва унинг ҳукуматининг барча аъзоларини озод қилишга ҳамда конституциявий ва демократик тузумни зудлик билан тиклашни таъминлашга чақиради”, — дейилади хулосада.